Skip to main content

Theatre Story: Richard Parker

நான் சந்தித்த "ரிச்சர்ட் பார்க்கர்"!


"சூப்பர் டீலக்ஸ்" திரைப்படத்திற்கு மிகுந்த எதிர்பார்ப்பு இருந்தது. பதினோராம் வகுப்பு படிக்கும் போது "ஆரணிய காண்டம்" படத்தை தனியாக சென்று பார்த்திருக்கிறேன். படத்தின் செய்தித்தாள் விளம்பரத்தில் தென்னங்கீற்று போல முத்திரை இருந்தது தான் ஒரே காரணம். என்னையும் சேர்த்து திரையரங்கில் மொத்தமே பத்து நபர்கள் தான் இருந்தார்கள். ரொம்பவும் வித்தியாசமான கேங்ஸ்டர் படம். பிடித்திருந்தது என்று சொல்வதைவிட புதுமையான அனுபவமாக இருந்தது எனச் சொல்லலாம். அந்த இயக்குனர் தன்னுடைய இரண்டாவது படத்தை பல வருட இடைவெளிக்குப் பிறகு எடுத்திருக்கிறார். இதில் விஜய் சேதுபதி, சமந்தா, பகத் பாசில் நடித்திருப்பது படத்திற்கு கூடுதல் எதிர்பார்ப்பை ஏற்படுத்தியது.

படத்திற்கு "A" சான்றிதழ் கொடுத்து இருந்தார்கள். படம் வெளியாகி கலவையான விமர்சனங்களைப் பெற்று வந்தது.


ஞாயிறு மதியம் 1:30 மணிக்கு வீட்டிலிருந்து கிளம்பினேன். நடக்க ஆரம்பித்தால் பத்து நிமிடத்தில் திரையரங்கை அடைந்து விடலாம். முன்பதிவு செய்யவில்லை. சக்தி திரையரங்கில் மொத்தம் மூன்று திறைகள் உள்ளது. சூப்பர் டீலக்ஸ் திரை 1ல் ஓடுகிறது, இருப்பதிலேயே மிகப் பெரிய திரை. டிக்கெட் கிடைக்கும், இருந்தாலும் முன்கூட்டியே சென்றுவிட்டேன். மீதி இருக்கும் இரண்டு திரையில் நயன்தாராவின் "ஐரா"வும், டிஸ்னியின் "டம்போ" என்ற ஆங்கில படமும் ஓடிக்கொண்டிருந்தது. 1:50க்கு கவுண்டரில் டிக்கெட்டை வாங்கிவிட்டு உள்ள சென்றேன். திரையரங்க ஊழியர் ஒருவர் "ஸ்கிரீன் 2, 3 மட்டும் உள்ளே வாங்க" என்று சத்தமாக அழைத்துக் கொண்டிருந்தார். வெகுசிலரே சென்றனர். மற்றவர்கள் அனைவரும் சூப்பர் டீலக்ஸ் தான் போல. திரையரங்கின் வலது புறத்திலே பெரும்பாலான மக்கள் நின்றுக் கொண்டு இருந்தனர். அங்கு தான் நிழலாக இருந்தது. அது பார்க்கிங்கிற்கு செல்லும் வழி. அந்த கூட்டத்தை கடந்து சென்று ஒரு ஓரமாக சுவருக்கு அருகே தரையில் அமர்ந்து விட்டேன். தரை சுத்தமாகவே இருந்தது. 2:30 மணிக்கு தான் படம். இன்னும் அரை மணி நேரம் இருக்கிறதே. அங்கு நின்றிருந்தவர்கள் என்னை போல் தரையில் அமர்வதை விரும்பவில்லை. சிலர் பைக்கில் சாய்ந்து நின்று கொண்டிருந்தனர்.

கால் மணி நேரத்திற்குப் பிறகு ஒருவர் கூட்டத்தை கடந்து என் பக்கத்தில் வந்து அமர்ந்தார். வயது 35 இருக்கும் இருக்கும். ஒல்லியான உடல்வாகு, கண்ணங்கள் ஒட்டி இருந்தது, என்னை போலவே பல் சற்று எடுப்பாக இருந்தது. நீலநிற பேண்டும் கட்டம் போட்ட சட்டையும் அணிந்திருந்தார். அவருடன் ஒரு சிறுமியும் சிறுவனும் இருந்தார்கள். இருவருக்கும் ஆறிலிருந்து எட்டு வயதிற்குள் இருக்கும். அந்த சிறுவன் அரை கால் டவுசரும் சட்டையும் அணிந்திருந்தான். அந்த சிறுமி கிளி பச்சை நிறத்தில் ப்ராக் அணிந்திருந்தாள். ரெட்டை குதிரைவால் சடை போட்டிருந்தாள். அவர்களின் அப்பாவைப் போலவே வெள்ளையாகவும்​, தோல் வரண்டும் காணப்பட்டனர். அந்த சிறுவன் தன் அப்பாவிற்கு பக்கத்தில் அமர்ந்து கொண்டு அப்பாவின் செல்போனை எடுத்து யூடுபில் எதாவது வைக்குமாறு கேட்டுக் கொண்டிருந்தான். அந்த சிறுமி இவர்களுக்கு எதிரில் அமர்ந்து கொண்டு, இவர்கள் யூடுப் பார்ப்பதை வேடிக்கை பார்த்து கொண்டிருந்தாள். கையில் வீட்டிலிருந்து எடுத்து வந்த ஒரு வாட்டர் பாட்டில் இருந்தது.

திடீரென எனக்கு ஒரு கேள்வி வந்தது, இவர்கள் எந்த படத்திற்கு வந்திருக்கிறார்கள்? இங்கு இருப்பவர்கள் அனைவரும் சூப்பர் டீலக்ஸ்காக காத்துக் கொண்டிருக்கிறார்கள். அப்படியானால் இவர்களும் சூப்பர் டீலக்ஸ் படத்துக்குதான் வந்திருக்கிறார்களா? அப்படி இருக்கையில் இவருக்கு தெரியுமா இந்த படம் "A" சான்றிதழ் பெற்றது என்று. "ஹரஹர மஹாதேவகி" மற்றும் "இருட்டு அறையில் முரட்டு குத்து" போன்ற "A" சான்றிதழ் படங்களுக்கு தங்கள் குழந்தைகளுடன் பலர் படம் பார்த்தார்கள் என்று என் நண்பர்கள் சொல்லி கேட்டிருக்கிறேன். வடசென்னை படத்திற்குக் கூட பெற்றோர்கள் தங்கள் மழலைகளை அழைத்து வந்ததை நானே நேரில் கண்டிருக்கிறேன். "A" சான்றிதழ் பெற்ற படத்திற்கு குழந்தைகளுக்கு எப்படி டிக்கெட் கொடுத்தார்கள். இப்படியான யோசனைகள் என் மனதிற்குள் ஓடிக்கொண்டிருந்தது. இறுதியாக அவரிடமே கேட்டு விடுவது என முடிவு செய்த நேரத்தில், அவரே "டிக்கெட் உள்ளேயே தருவாங்களா?" என என்னிடம் கேட்டார். இந்தத் திரையரங்கம் முழுவதுமாக புதுப்பித்து திறக்கப்பட்டு சில மாதங்கள் தான் ஆகிறது​. அதனால் அவர் கேட்பதில் வியப்பொன்றும் இல்லை. "முன்னாடி இருக்கும் கவுண்டரிலேயே தருவாங்களே" என்று சொல்லிவிட்டு எந்த படத்துக்கு எனக் கேட்டேன். ஏனென்றால் சூப்பர் டீலக்ஸ் படம் ஹவுஸ்புல் கூட ஆகியிருக்கும், அந்த அளவுக்கு கூட்டம்.

அவர் "டம்போ" என்று சொன்னார். "இங்கு இருப்பவர்கள் சூப்பர் டீலக்ஸ் படத்திற்காக காத்துக்கொண்டு இருக்கிறார்கள் டம்போவுக்கு டிக்கெட் வாங்கிட்டு நேராகவே உள்ளே செல்லலாம்" என்று சொன்னவுடன், "அச்சச்சோ! இவ்வளவு நேரம் வீணாக காத்துக்கொண்டு இருந்துவிட்டோமே" என வருத்தப்பட்டார். பிள்ளைகளை இங்கே இருக்கும்படி சொல்லிவிட்டு உடனே கூட்டத்திற்கு இடையே புகுந்து டிக்கெட் கொடுக்கும் கவுண்டரை நோக்கி வேகமாக சென்றார்.

அவர் டிக்கெட் வாங்கிவிட்டு திரும்பவும் கூட்டத்துக்குள் புகுந்து இங்கே தான் வரவேண்டும். படத்திற்கு மேலும் காலதாமதம் ஏற்படும் என்பதால் அவரின் பிள்ளைகளிடம் "வாங்க நம்ம முன்னாடி போய் நிற்போம், அப்பா டிக்கெட் வாங்கிட்டு வரும்போது அப்படியே உள்ளே போய் விடுங்கள்" எனச் சொல்லி அவர்களை அழைத்துக்கொண்டு முன்னே சென்றேன். கட்டிடத்திற்கு முன்னாடி வெயில் அடித்துக் கொண்டு இருந்ததால், அங்கு அந்த அளவுக்கு கூட்டம் இல்லை. திரையரங்கு ஊழியரும் "ஸ்கிரீன் 2, 3 மட்டும் வாங்கனு" இன்னும் சத்தமாக அழைத்துக் கொண்டே இருந்தார்.

இப்போது இவர்களுக்கு இரண்டு சவால்கள் காத்துக்கொண்டு இருக்கிறது. ஒன்று, டம்போ படத்திற்கான காட்சியின் நேரம் 2 மணியாக இருந்தால் இவர்கள் 20 நிமிட காட்சியை தவற விடுவார்கள். குறைந்தபட்சம் 2:15வது இருக்க வேண்டும். 2:30 காட்சியாக இருக்குமா எனத் தெரியவில்லை. டிக்கெட் வந்தால்தான் தெரியும். இரண்டாவது "ஸ்கிரீன் 1 வாங்கனு" சொல்லி விட்டால், இங்கு இருக்கும் அனைவரும் உள்ளே செல்ல ஆரம்பித்து விடுவார்கள். அப்படி நடக்கும் பட்சத்தில் இந்த சிறுவர்கள் படம் பார்க்கும் நேரம் இன்னும் தாமதமாகும்.

இவர்களின் தந்தை வேகமாக டிக்கெட்டை வாங்கிக்கொண்டு எங்களை நோக்கி வந்தார். அவரின் டிக்கெட்டை வாங்கி காட்சியின் நேரத்தை பார்த்தேன். அப்போது தான் நிம்மதி அடைந்தேன். காட்சியின் நேரம் 2:30. "முன்னாடி போங்க கேட்டா ஸ்கிரீன் இரண்டுனு சொல்லுங்க, விடுவாங்க" எனச் சொல்லி சீக்கிரம் போகச் சொன்னேன். இவர்கள் முன்னே சென்று படி ஏறிக்கொண்டு இருக்கும் போது அங்கிருந்த ஊழியர் இவர்களிடம் எந்த படம்னு கேட்டார், இவர் டிக்கெட்டை காண்பித்தார். போங்க போங்க என்று சொல்லி அனுப்பி விட்டார்.
நல்லவேளையாக ஸ்கிரீன் 1னை அழைப்பதற்குள் இவர்கள் உள்ளே சென்று விட்டார்கள். அடுத்தது மெட்டல் டிடெக்டர் சோதனை வாயிலை  இவர்கள் நெருங்கினார்கள். அப்பொழுதுதான் அந்தக் குழந்தைகளின் தந்தை, உதவி செய்த எனக்கு நன்றி  சொல்லவில்லையே​ எனத் தோன்றியது. அவர் படத்திற்கு செல்லும் பதற்றத்தில் மறந்து இருப்பார். அந்த சிறுவர்களை பார்த்தேன், இன்று அவர்கள் படம் பார்ப்பதற்கு வழிகாட்டியாக இருந்த இந்த அங்கிளுக்கு நன்றி சொல்லும் விதமாக என்னை "திரும்பி பார்ப்பார்கள்" அல்லது ஒரு "டாடா" காட்டுவார்கள் என்று எதிர்பார்த்து காத்திருந்தேன். அவர்களும் படம் பார்க்கும் அவசரத்தில் என்னை திரும்பி கூட பார்க்காமல் சென்று விட்டார்கள்.

இந்த இடத்தில் எனக்கு "லைப் ஆப் பை" திரைப்படத்தின் ஒரு காட்சி தான் நினைவுக்கு வந்தது. படம் பார்த்தவர்களுக்கு இந்நேரம்  நான் எந்த காட்சியை நினைவு கூற இருக்கிறேன் என்பதை கணித்து இருப்பார்கள்.


சிறுவன் "பை பட்டேலும்", வங்கப்புலியான "ரிச்சர்ட் பார்க்கரும்" ஒரு சிறிய உயிர்காக்கும் படகில் பல நாட்கள் கடலில் பயணம் செய்து உயிர் பிழைக்க போராடி கொண்டிருப்பார்கள். பல போராட்டங்களை கடந்து
இறுதியாக மெக்சிகோ கடலின் கரை அருகே ஒதுங்குவார்கள். "பை பட்டேல்​" நடக்க முடியாமல் அந்தக் கடலின் கரையில் அப்படியே விழுந்து விடுவான். அடுத்தாக, இவனை போலவே உடல் மெலிந்த அந்த "ரிச்சர்ட் பார்க்கர்" கடலின் கரையில், நடக்க முடியாமல் நடந்து காட்டை நோக்கிச் செல்லும். காடு ஆரம்பமாகும் எல்லையை நெருங்கியவுடன் சில நொடிகள் அப்படியே அமைதியாக நிற்கும். இத்தனை நாட்கள் ஒன்றாக பயணித்த தனக்கு விடை கொடுப்பது போல "திரும்பி பாரத்தோ" அல்லது "உறுமியோ" குட்பாய் சொல்லப்போகிறது என ஆவலாக காத்து இருப்பான் "பை பட்டேல்". ஆனால் அந்த பயங்கரமான வங்கப்புலி அப்படியே காட்டுக்குள் மறைந்து விடும்.

இந்தக் காட்சி ஒரு ஓவியத்தைப் போன்றதாகும். ஒவ்வொருவருக்கும் ஒவ்வொரு பார்வையை தரும்.
இந்த மொத்த கதையையும் தன்னை சந்திக்க வந்த நண்பருடன் மனமுருகி விவரித்துக் கொண்டிருப்பார் "பை பட்டேல்".

அந்தப் புலியை ஒரு நண்பனைப் போல நேசித்தாகவும், தன்னை விட்டுப் பிரியும் போது ஒரு குட்பாய் கூட சொல்லவில்லையே என்று வருத்தப்படுவார். நமக்கு எவ்வளவோ நேரம் இருக்கிறது. ஆனால் பல நேரங்களில் நாம் நம் நெருங்கிய உறவை பிரியும்போது ஒரு குட்பாய் சொல்லக் கூட நேரம் எடுத்துக் கொள்வதில்லை என்று தன்னை நினைத்து வருத்தப்படுவார்.

இத்தனை காலம் உறுதுணையாக இருந்த உறவுக்கு நன்றி தெரிவிக்கும் விதமாக குட்பாய் சொல்லி பிரியலாம். அல்லது குட்பாய் சொல்லி எதற்கு இந்த உறவுக்கு ஒரு முற்றுப்புள்ளி வைக்க வேண்டும். அது அப்படியே தொடரட்டுமே என்றும்​ நினைக்கலாம். இந்த குட்பாய் விசயத்தில் ஒவ்வொருக்கும் ஒவ்வொரு பார்வை இருக்கும். குட்பாய் சொன்னாலும் சொல்லாவிட்டாலும் அந்த உறவு தரும் உணர்வும் அது தரும் நினைவுகளும் அப்படியே தொடர்வதை யாராலும் தடுக்க முடியாது. நமக்கு நெருக்கமானவர்களை முதன் முதலில் எந்த நாளில் சந்தித்தோம் என்பதை கூட நினைவில் இருந்து மீட்பது சிரமமாக இருக்கும். ஆனால் கடைசியாக சந்தித்த நாளில் அணிந்திருந்த உடையின் வண்ணம் வரை நினைவில் இருக்கும்.

"பை பட்டேலுக்கும்" சரி எனக்கும் சரி, திரும்பி பார்ப்பார்கள் என்று எதிர் பார்த்ததால் தான் ஏமாற்றம் அடைந்தோம். ஏமாற்றத்திற்கு எதிர்பார்ப்பே காரணம். அதன்பின் அந்த சிறுவர்களை இதுநாள் வரை சந்திக்கவில்லை. அவர்களின் அப்பாவை மட்டும் இரண்டு முறை கடைவீதியில் வண்டியில் போவதைப் பார்த்திருக்கிறேன்.

ஒருவேளை அந்த சிறுவர்களை சந்தித்தாலும் "இவர்களை சூப்பர் டீலக்ஸ் படத்தின் போது பார்த்தோம் தானே" என மனத்துக்குள் நினைத்துக் கொண்டு மெல்லிய புன்னகையுடன் கடந்து சென்று விடுவேன்.
அச்சமயம் "அந்த சிறுமி என்ன சடை போட்டு இருக்கிறாள்?" என்பதை மட்டும் கவனிக்க முயற்சிப்பேன்.





#lifeofpi #tiruvannamalaitheatre


See also:
கனவுகளின் விளக்கம் - புத்தக விமர்சனம்
https://scienceplusmovies.blogspot.com/2020/04/book-review-kanavugalin-vilakam.html?m=1

Comments

Popular posts from this blog

Bajii in Different Style

"சமைக்கலாம் வாங்க" 4.0 பஜ்ஜி தேவையான பொருட்கள்: 1) வெங்காயம் - 4 2) உருளைக்கிழங்கு - 2 3) கேரட் -1 4) கொத்தமல்லி ஒரு கொத்து *மிளகாய்த்தூள், உப்பு - ருசிக்கேற்ப செய்முறை: ஒரு பாத்திரத்தில் துண்டுகளாக நறுக்கிய வெங்காயம், உருளைக்கிழங்கு, துருவிய கேரட் மற்றும் பொடியாக நறுக்கிய கொத்தமல்லி ஆகியவற்றை எடுத்துக் கொள்ளவும். இத்துடன் ஐந்து தேக்கரண்டி கல்ல மாவு, ஒரு தேக்கரண்டி மிளகாய்த்தூள், 3/4 தேக்கரண்டி உப்பு, கொஞ்சம் பெருங்காயத்தூள் ஆகியவற்றை சேர்த்து தண்ணீர் தெளித்து கலக்கவும். 15 நிமிடத்திற்கு அப்படியே​ விடவும். காரணம்: வெங்காயத்தில் இருக்கும் தண்ணீர் வெளியேறும். கலவை சப்பாத்தி மாவு பதத்தில் இருக்க வேண்டும். கெட்டியாக இருந்தால் தண்ணீரும் தண்ணீயாக இருந்தால் கல்ல மாவையும் சேர்த்து சரியான பததிற்கு கொண்டு வரவும். எண்ணைச் சட்டியில் மசால் வடைக்கு போடுவது போல் தட்டையாக போட்டு பொரித்து எடுத்தால் "4.0 பஜ்ஜி" தயார். குறிப்பு: இந்த கலவையில் தண்ணீரை சேர்க்காமல் பிசைந்து எண்ணையில் உதிர்த்து போட்டால் "பக்கோடா" தயார்.

Movies of 2018 - A Overview

2018ல் நான் பார்த்த திரைப்படங்கள் ஒரு பார்வை. நிமிர் - எதார்த்தமான கதையை அழகான கதாபாத்திரங்கள் மூலம் சொல்லப்பட்ட மலையாள மறு ஆக்கம். சில காட்சிகள் அழுத்தம் இல்லாமல் நகர்கிறது. படத்தின் நாயகனுக்கும் அவரின் தந்தைக்கும் நடக்கும் காட்சிகள் கவித்துவமானவை. ஒரு நல்ல நாள் பார்த்து சொல்றேன் - நகைச்சுவை திரைப்படம் என்ற பெயரில் வந்து சிரிப்பை வரவைக்காத திரைப்படம். சவரக்கத்தி - நகைச்சுவை காட்சிக்குள் வாழ்க்கை தத்துவங்களை குறியீடாக வைத்து புத்திசாலித்தனமாக எழுதப்பட்ட திரைப்படம். கூட்டாளி - பணம் செலுத்தாதவர்களின் வண்டிகளை திருடும் நான்கு நண்பர்களைப் பற்றிய கதை. சுமாராக எடுக்கப்பட்ட சிறு பட்ஜெட் திரைப்படம். படத்தின் கடைசி 30 நிமிடங்கள் அருமை. நடிகையர் திலகம் - சாவித்திரி என்ற மகா நடிகையின் வாழ்க்கை வரலாற்றுத் திரைப்படம். சமந்தா காட்சி பகுதிகளை தாராளமாக குறைத்திருக்கலாம். சாவித்திரி அவர்களை எண்ணி பிரமிப்பும் வருத்தமும் ஏற்ப்படுத்தி படம். இரும்புத் திரை - Cyber​ crime மற்றும் தொழில்நுட்ப வழி தகவல் திருட்டுகளை எளிதாக விளங்கிய படம். மக்கள் எந்த அளவுக்கு விழிப்புடன் இருக்க வேண்டும் என்று பய

NTR Kathanayagudu - Movie Review

NTR கதாநாயக்டு - ஒரு பார்வை குறிப்பு: இந்த திரைப்படம் தெலுங்கில் வெளியாகியிருக்கிறது. ஆங்கில துணைத் தலைப்புகளும் இல்லை. இருந்தாலும் இது ஒரு வாழ்க்கை வரலாற்றுத் திரைப்படம் என்பதாலும் திரைப்பட அனுபவத்திற்காகவும் பார்த்தேன். கதை: "நந்தமுரி தாரக ராமா ராவ்" எப்படி மக்கள் போற்றும்​ திரைக் கலைஞனாக உருவாகுகிறார் என்பதே "NTR கதாநாயக்டு". NTRஆக அவரது புதல்வரும் நடிகருமான பாலகிருஷ்ணா நடித்திருக்கிறார். தன்னுடைய ஆத்மார்த்தமான நடிப்பை தந்திருக்கிறார். வித்தியா பாலன் NTRரின் மனைவியாக அமைதியாக வந்து போகிறார். இவர்களைத் தவிர ஏகப்பட்ட நடிகர்கள் வந்து செல்கின்றனர். படத்தின் கலை வேலைகள் நன்றாக இருக்கிறது. குறிப்பாக பழைய காலத்தில் பயன் படுத்திய சினிமா படப்பிடிப்பு இடங்கள், படத்தொகுப்பு செய்யும் இயந்திரம், படச்சுருள் என நம்மை கால பயணம் செய்ய வைத்திருக்கிறார்கள். "பெரிய நடிகர் ஆன பின்னரும் தன் பழைய நண்பர்களை சந்தித்து பட வாய்ப்பு தருவது, மக்களின் துயரங்களை கண்டு வருந்துவது, ஒரு குடிசை வீட்டில் பூஜை அறையில் தன்னுடைய கிருஷ்ணர் வேசம் படத்தை கண்டு NTR நெகிழ்வது" போன்ற

Renugambal Temple, Padavedu.

ரேணுகாம்பாள் கோயில், படவேடு. திருவண்ணாமலையில் இருந்து வேலூர் செல்லும் பேருந்தில் ஏறி "சந்தவாசல்" நிறுத்தத்தில் இறங்க வேண்டும். பயண நேரம் - ஒரு மணி நேரம். அங்கிருந்து பங்கு ஆட்டோ (share auto) மூலம் கோயிலை அடையலாம். பயண நேரம் - 15 நிமிடங்கள். படவேட்டில் ரேணுகாம்பாள் கோயிலை தவிர பல கோயில்கள் இருக்கிறது. Car அல்லது Bikeல் செல்பவர்கள் முக்கியமான அனைத்து கோயில்களையும் எளிதில் பார்த்து விடலாம். பேருந்தில் சென்றவர்கள் ரேணுகாம்பாள் கோயிலை பார்த்து விட்டு, கோயிலுக்கு அருகில் இருக்கும் ஆட்டோவை வாடகைக்கு எடுப்பது சிறந்த வழியாகும். அனைத்து கோயில்களையும் பார்க்க தோராயமாக இரண்டில் இருந்து மூன்று மணி நேரம் ஆகும். படவேட்டை சுற்றிப்பார்க்க சிறந்த நேரம்: காலை - 8 மணி முதல் 12 மணி வரை மாலை - 3 மணி முதல் 6.30 வரை விசாரித்த வகையில் நான் பார்க்கத் தவர விட்ட முக்கியமான இடங்கள்: 1) லட்சுமி நரசிம்மர் திருக்கோயில். 2) அம

இண்டிபெண்டண்ட் சினிமா - புத்தக விமர்சனம்

பலரின் சினிமா பார்வையையும் தேடலையும் தங்களின் காணொளிகளின் மூலம் விரிவடைய காரணமாக இருந்து வரும் "Missed Movies" YouTube சேனலிடம் இருந்து வெளிவந்திருக்கும் புத்தகமே "இன்டிபெண்டண்ட் சினிமா". தயாரிப்பாளரை மட்டுமே சார்ந்து இருக்காமல் படைப்பாளியின் கையில் இருக்கும் பொருளாதாரம் மற்றும் நண்பர்கள், தெரிந்தவர்களின் பண உதவியுடன் எடுக்கப்படும் சினிமாவே இன்டிபெண்டண்ட் சினிமா (சுயாதீன திரைப்படம்). இயக்குனரிடம் தயாரிப்பாளர் கதையில் செய்யச் சொல்லும் ஜனரஞ்சக மற்றும் வணிக மாற்றங்களே இதற்கு காரணம். இந்த புத்தகம் சுயாதீன திரைப்படத்தின் தொடக்க காலம் முதல் இன்றைய நவீன காலம் வரை எப்படி இயங்கி வருகிறது என ஒரு தகவல் களஞ்சியமாக இருக்கிறது. உலக சினிமா ஏன் பார்க்க வேண்டும்? என்ற விளக்கத்துடன் ஆரம்பமாகிறது இந்த புத்தகம். பிறகு சுயாதீன திரைப்படம் தொடங்கிய காலம், அதை முன்னெடுத்த இயக்குனர்கள் என நாம் இதுவரை அறிந்திராத தகவல் மற்றும் சம்பவங்களுடன் நகர்கிறது. கிட்டத்தட்ட சினிமா உலகில் நமக்கு மறைக்கப்பட்ட வரலாற்றை பிரம்பிப்புடன் படிப்பது போன்றதொரு உணர்வு. இந்த புத்தகத்தின் எழுத்

பறவை குறும்படத்தின் Storyboard

பறவை குறும்படம் https://youtu.be/skfi6l3QLFY

மொட்டை மாடி தீபாவளி!

  இரண்டு வாரங்களுக்கு முன்னதாகவே தெருக்களில் "அகலு! அகலேய்....!" என  வியாபாரிகளின் கூக்குரல், கார்த்திகை தீபத் திருவிழா நெருங்கி விட்டத்தை சொல்லும் அறிகுறிகளின் ஒன்று. பத்து நாட்கள் நடைபெறும் எங்கள் ஊர் கார்த்திகை தீபத் திருவிழாவின் ஏழாம் நாள் மரத்தேரும், பத்தாம் நாள் தீபத் திருவிழாவும் மிகவும் பிரபலம். ஐந்தாம் திருவிழாவில் இருந்து பள்ளி மற்றும் கல்லூரிகளுக்கு உள்ளூர் விடுமுறை அளிக்கப்பட்டு இருக்கும். முதல் திருவிழாவில் இருந்து கொஞ்சம் கொஞ்சமாக திருவிழா கலைக் கட்ட ஆரம்பிக்கும். மரத்தேரின் போது திருவிழா அதன் உச்ச நிலையை​ தொட்டு இருக்கும். உள்ளூரில் இருந்து வெளியூர்களுக்கு சென்றவர்கள் தங்கள் சொந்த வீட்டிற்கும் அல்லது சொந்தங்களின் வீட்டிற்கு வந்து சேர்ந்திருப்பார்கள். ஒன்பதாம் திருவிழாவன்று பல ஊர்களில் இருந்து திருவண்ணாமலைக்கு வருவதற்கான சிறப்பு பேருந்துகளை இயக்க ஆரம்பித்து இருப்பார்கள். விடுமுறை கிடைக்காத திருவண்ணாமலை வாசிகள் எப்படியாவது தீபத்தை மட்டுமாவது பார்த்து விடவேண்டும் என அடித்து பிடித்து ஊரை நோக்கி தங்களின் பயணத்தை தொடங்கி இருப்பார்கள். தொலைக்காட்சியில் எல்லா சேனலில்கள

Vettavalam Village - A Photo Collection

Bazaar Street                               Vinoth Theatre Jameen Palace Singaara Kulam Manonmaniyamman Temple Aerial View - Vettavalam                          Anchineeyar Temple                      Agastheeswarar Temple Varatharaaja Perumal Temple Play Time - Goli Gundu St. Mary's Sacred Heart Chruch Black and White Hut Village WhatsApp Group Thallaakulam Market

Naveram - Short Story.

நவிரம் - சிறுகதை.       சீரான இடைவெளியில் மண்ணில் பாதி புதைந்திருந்த ரப்பர் டயர்களின் மீது மழலைகள் தாவியாடிக் கொண்டிருந்தார்கள். தொங்கும் கயிறு பாலம், மரப்பாலம், லாரி டயரினால் செய்யப்பட்ட குகை என பல வித்தியாசமான விளையாட்டுகளும்; ஊஞ்சல், சறுக்கு மரம், இரும்புக் கூண்டு, சீ-சா போன்ற வழக்கமான விளையாட்டுகளும் இருந்தது. பல வண்ணங்களில் தீட்டப்பட்டு இருந்த அனைத்து விளையாட்டுகளிலும், குழந்தைகள் ஆக்கிரமிப்பு செய்து இருந்தார்கள். அவர்களை தங்களின் கண் பார்வையிலேயே இருக்கும்படி பெற்றோர்கள் அருகிலேயே நின்று கவனித்துக் கொண்டார்கள். மழைநீர் சேகரிப்பு, மக்கும்-மக்காத குப்பை, டெங்கு ஒழிப்பு, நடைப் பயிற்சியின் பயன்கள், மனிதன் நிலவில் கால் பதித்த காட்சி, சூரியக் குடும்பம், கிரகணங்கள், மயில் வடிவில் இருக்கும் மாவட்டத்தின் வரைபடம் என பலப் படங்கள் பூங்காவின் சுற்று சுவர் முழுவதும் ஓவியமாக வரையப்பட்டு இருந்தது. ஆங்காங்கே போடப்பட்டு இருந்த சிமெண்ட் பெஞ்ச் அனைத்திலும் ஆட்கள் நிரம்பி இருந்தார்கள். அவர்களில் பெரும்பாலானோர் பிள்ளைகளுடன் வந்தவர்களாகவும் சிலர் வேடிக்கை பார்த்து பொழுதை போக்க வந்தவர்களாகவும் இருந்தார்

Story of the Photo 03: Samosa Men of Tiruvannamalai

சமோசா பாயும் பையாவும்      தேரடி வீதியில் TVS XLலில் சென்றுக் கொண்டிருக்கும் பொழுது எனது வலது புறத்திற்கு எதிரே கொஞ்சம் தூரத்தில் இவர் வந்து கொண்டிருந்தார். சிறுவயதில் இருந்து பார்த்து. வருகிறேன் சட்டென ஒரு யோசனை, இவரை ஏன் ஒரு புகைப்படம் எடுக்கக் கூடாது எனத் தோன்றியது. உடனே வண்டியை இடது பக்கம் ஒரு ஓரமாக நிறுத்திவிட்டு, வண்டிக்கு பூட்டு போட்டதை உறுதிப்படுத்திக்கொண்டு சாலையை கடந்தேன். புகைப்படம்  எடுப்பதை அவர் பார்த்து விட்டால் ஏதாவது நினைத்துக் கொள்வாரோ என்று தயங்கினேன். அதனால் பின் பக்கமாக இருந்து எடுக்கத் திட்டமிட்டேன். அவருக்குப் பின்னால் மூன்றடி இடைவெளி விட்டு பின்தொடர செய்ய ஆரம்பித்தேன். வேகமாக போனை அன்லாக் செய்து கேமராவை ஆன் செய்து பிரேமை வைத்தேன். அதே மூன்றடி  இடைவெளியுடன் அவரின் வேகத்திற்கு இணையாக நடந்துகொண்டே ஒரு படம் எடுத்தேன். எடுக்கும்போதே தெரிந்தது, படம் சிறப்பாக அமையவில்லை. அடுத்த படத்திற்கு முயற்சி செய்து கொண்டிருந்த​ நொடி அவர் பூம்புகார் துணியகத்தை கடந்துக்கொண்டு இருந்தார். அந்நேரம் கடையில் இருந்து  தாய்மார்கள் இருவர் வெளியே வந்துகொண்டு இருந்தனர். அவர்களில் ஒரு