வனமகனுக்கு காடோடி பரிசு!

நண்பர்களுக்கு திருமண பரிசாக எப்பொழுதும் புத்தகங்களை தருவதே வழக்கம். "எஸ்.ரா." அவர்களின் "காட்சிகளுக்கு அப்பால்" புத்தகத்தை மட்டும் பரிசாக பத்து நண்பர்களுக்கு மேல் கொடுத்து இருப்பேன். காரணம் அந்த புத்தகம் உலக சினிமாக்களை பற்றியது. சினிமா எல்லாருக்கும் பிடித்தமான ஒன்று, அதேபோல் எளிமையான புத்தகமும் கூட. இதனால் எளிதில் அனைவரும் வாசிக்க முயற்சி செய்வார்கள். அந்த புத்தகத்தின் சில பிரதிகளை புத்தக கண்காட்சிக்கு போகும்போதெல்லாம் வாங்கி வைத்துக் கொள்வேன். விலையும் பக்கங்களும் நூற்றுக்கு குறைவுதான்.

மற்ற எந்த பொருளை பரிசாக கொடுப்பதை காட்டிலும் புத்தங்களை தருவதில் ஒரு திருப்தி ஏற்படுகிறது. புத்தகங்களை பெற்றவர்கள் உடனே படிக்கவில்லை என்றாலும் அவர்கள் வீட்டிலேயே பத்திரமாக இருக்கும். இடத்தை அடைக்காது. பின்நாளில் அவர்களோ அல்லது வேறு யாராவதோ கூட வாசிக்கலாம். வாசிப்பு உலகத்திற்கு ஒரு புதிய வாசகர் கிடைப்பார்.

29.10.2020 அன்று (நாளை) பள்ளி நண்பன் அரவிந்தின் திருமணம். மிக நெருக்கம் இல்லையென்றாலும் நீண்ட நாள் நண்பன். தமிழக வனத்துறையில் பணிபுரிகிறார். கையிருப்பில் இருக்கும் "காட்சிகளுக்கு அப்பால்" புத்தகத்தை அளித்து விடலாம் என முடிவு செய்து இருந்தேன். விஜய தசமி அன்று ஒரு யோசனை தோன்றியது. நான் பின்பற்றும் புத்தக விமர்சனம் சேனலான BookTag Forumல் காட்டைச் சார்ந்து எழுதப்பட்ட இரண்டு தமிழ் நாவலைப் பற்றிய அறிமுகம் நினைவிற்கு வந்தது.

யூடுப் சேனலுக்கு சென்று பார்த்தேன், அவைகள் "சாயாவனம் - சா. கந்தசாமி மற்றும் கானகன் - லட்சுமி சரவணக்குமார்". இந்த இரண்டு புத்தகங்களில் ஏதாவது ஒன்றை வாங்கி பரிசாக கொடுக்கலாம் என்று முடிவுசெய்து இணையத்தில் தேடினேன். எல்லா தளத்திலும் புத்தகம் கைக்கு வர ஒரு வாரம் வரை ஆகும் என்றிருந்தது. எங்கள் ஊரில் (திருவண்ணாமலை) இருக்கும் ஒரே புத்தகக் கடையான "அருணை புக் சென்டர்"லும் கேட்டுப் பார்த்தேன், கிடைக்கவில்லை. "வெண்ணிற இரவுகள்" கிடைத்தது. எனக்கு மிகவும் பிடித்தமான புத்தகம்.

"வெண்ணிற இரவுகள் அல்லது காட்சிகளுக்கு அப்பால்", இவற்றில் ஏதாவது ஒன்றை பரிசாக அளித்து விடலாம் என இறுதி முடிவு எடுத்திருந்தேன்.

மறுநாள் (நேற்று), தமிழில் காட்டை பற்றி வேறு எதாவது புத்தகம் இருக்கிறதா என தேடியபோது "ஜெயமோகன்" அவர்கள் எழுதிய "ரப்பர், காடு" போன்ற புத்தகங்கள் இருப்பதைக் கண்டேன். இதைத் தவிர வேறு எதாவது காடு சார்ந்த புத்தகங்களின் தகவலுக்காக நண்பர் மணிகண்டன் (ஒரு புத்தக கண்காட்சியில் அறிமுகமானவர்) அவருக்கு குறுஞ்செய்தி ஒன்றை அனுப்பிவிட்டு மீண்டும் புத்தக கடையை நோக்கிச் சென்றேன். "ரப்பர், காடு" புத்தகங்களை வர வைத்து தருவதாக சொன்னார். எனக்கு உடனே ஒரு புத்தகம் வேண்டும் என்பதால் என் நோக்கத்தை கூறி, காடு சார்ந்து வேறு ஏதாவது புத்தகங்கள் தற்சமயம் இருக்கிறதா? எனக் கேட்டேன்.

"காடோடி" என்ற புத்தகத்தை தந்தார். கொஞ்சம் பெரிய புத்தகம், விலை ₹300. நல்ல புத்தகம் என கடையின் உரிமையாளர் புத்தகத்திற்கு உத்திரவாதம் அளித்தார். இருந்தும் சிறிது தயக்கம். கொஞ்சம் படித்துப் பார்த்து நாமே முடிவு செய்துவிடலாம் என புத்தகத்தின் பின் பக்க அட்டையில் இருந்த வரிகள், முன்னுரையில் சில வரிகள் மற்றும் நடு பக்கத்தில் சில பத்திகளை படித்துப் பார்த்தேன். படித்த வரையில் புத்தகத்தின் ஆசிரியர் உலகெங்கிலும் உள்ள காட்டிற்கு மேற்கொண்ட பயணக் கட்டுரையின் தொகுப்பை நாவல் வடிவில் படைத்திருப்பது போல தெரிந்தது. முக்கியமாக எழுத்து நடை சிறப்பாகவே இருந்தது. ₹20 கழிவுடன் புத்தகத்தை வாங்கி விட்டேன். விட்டிற்கு வந்தவுடன் நண்பரிடம் இருந்து குறுஞ்செய்தி வந்திருந்தது. அவரும் நான் வாங்கியிருந்த அதே புத்தகத்தின் பெயரையே அனுப்பி இருந்தார். புத்தகம் கிடைத்த செய்தியையும்நன்றியையும் தெரிவித்தேன்.

இன்று 28.10.2020 திருமண வரவேற்பு நிகழ்ச்சியில் கலந்துக் கொள்வதாக திட்டம். அதனால் அதுவரையில் எவ்வளவு படிக்க முடியுமோ அவ்வளவு பக்கங்களை படித்து பார்க்கலாம் என முடிவு செய்து நேற்று இரவு படிக்க ஆரம்பித்தேன்.

ஆசிரியர் சில உள்ளூர் வாசிகளுடன் "கினபத்தாங்கன்" காட்டிற்குள் (இந்தோனேஷியா தீவு) பயணம் மேற்கொள்கிறார். அந்த பயணத்தில் அவர் சேகரித்த செய்திகள், அனுபவம் மற்றும் சில கசப்பான உண்மைகளை அழகான நடையில் பதிவு செய்திருந்தார். ஆங்காங்கே வரும் கலகலப்புமும் உவமைகளும் வாசிப்பில் அயர்ச்சி ஏற்படாமல் பார்த்துக் கொண்டது.

முதல் அத்தியாயம் படித்து முடித்தவுடன் ஆசிரியருடன் காட்டுக்குள் சென்று வந்த அனுபவம் ஏற்பட்டது.

அதன் பிறகு இன்று இரண்டு அத்தியாயங்களை படித்தேன். இந்த புத்தகத்தின் தீவிரமும் முக்கியத்துவமும் நன்றாக புரிந்தது. இந்த புத்தகத்தை பொறுமையாகவும் அதே சமயம் இணைய வசதி கொண்ட கைபேசியை அருகில் வைத்துக்கொண்டு படிப்பதே சிறந்த முறையாகும். ஒவ்வொரு பக்கத்திலும் ஆசிரியர் அவர் கண்ட வித்தியாசமான மரம், விலங்கு, பறவை, நில அமைப்பு போன்றவைகளை அழகாக நம் கண்முன்னே விவரிக்கிறார்.

பறக்கும் தவக்களை, பிக்மி யானை, இருவாசிப் பறவைகள், மழைக்காடுகளை பற்றிய செய்திகள், காட்டை அழிக்கும் மனிதனின் செயல் என "இயற்கை, சூழ்நிலையியல், வியாபாரம்" என பல தளங்களில் பயணிக்கிறது.

இன்று மாலை நண்பர் அரவிந்த் பெறப்போகும் பரிசில் நிச்சயம் இந்தக் "காடோடி" தனித்துவமானதாக இருக்கும் என்பதில் எனக்கு எந்த ஐயமும் இல்லை. குமுதா ஆப்பி!

அதேபோல் பின்நாளில் இந்த புத்தகத்தை முழுமையாக படிக்க வேண்டும் என்றும் முடிவு செய்து வைத்திருக்கிறேன்.

Goodreadsலும் "Want to Read" என தட்டி விட்டிருக்கிறேன்.

நவிரம் சிறுகதை:

http://scienceplusmovies.blogspot.com/2020/08/naveram-short-story.html?m=1

Comments

Bajii in Different Style

"சமைக்கலாம் வாங்க" 4.0 பஜ்ஜி தேவையான பொருட்கள்: 1) வெங்காயம் - 4 2) உருளைக்கிழங்கு - 2 3) கேரட் -1 4) கொத்தமல்லி ஒரு கொத்து *மிளகாய்த்தூள், உப்பு - ருசிக்கேற்ப செய்முறை: ஒரு பாத்திரத்தில் துண்டுகளாக நறுக்கிய வெங்காயம், உருளைக்கிழங்கு, துருவிய கேரட் மற்றும் பொடியாக நறுக்கிய கொத்தமல்லி ஆகியவற்றை எடுத்துக் கொள்ளவும். இத்துடன் ஐந்து தேக்கரண்டி கல்ல மாவு, ஒரு தேக்கரண்டி மிளகாய்த்தூள், 3/4 தேக்கரண்டி உப்பு, கொஞ்சம் பெருங்காயத்தூள் ஆகியவற்றை சேர்த்து தண்ணீர் தெளித்து கலக்கவும். 15 நிமிடத்திற்கு அப்படியே விடவும். காரணம்: வெங்காயத்தில் இருக்கும் தண்ணீர் வெளியேறும். கலவை சப்பாத்தி மாவு பதத்தில் இருக்க வேண்டும். கெட்டியாக இருந்தால் தண்ணீரும் தண்ணீயாக இருந்தால் கல்ல மாவையும் சேர்த்து சரியான பததிற்கு கொண்டு வரவும். எண்ணைச் சட்டியில் மசால் வடைக்கு போடுவது போல் தட்டையாக போட்டு பொரித்து எடுத்தால் "4.0 பஜ்ஜி" தயார். குறிப்பு: இந்த கலவையில் தண்ணீரை சேர்க்காமல் பிசைந்து எண்ணையில் உதிர்த்து போட்டால் "பக்கோடா" தயார்.

Movies of 2018 - A Overview

2018ல் நான் பார்த்த திரைப்படங்கள் ஒரு பார்வை. நிமிர் - எதார்த்தமான கதையை அழகான கதாபாத்திரங்கள் மூலம் சொல்லப்பட்ட மலையாள மறு ஆக்கம். சில காட்சிகள் அழுத்தம் இல்லாமல் நகர்கிறது. படத்தின் நாயகனுக்கும் அவரின் தந்தைக்கும் நடக்கும் காட்சிகள் கவித்துவமானவை. ஒரு நல்ல நாள் பார்த்து சொல்றேன் - நகைச்சுவை திரைப்படம் என்ற பெயரில் வந்து சிரிப்பை வரவைக்காத திரைப்படம். சவரக்கத்தி - நகைச்சுவை காட்சிக்குள் வாழ்க்கை தத்துவங்களை குறியீடாக வைத்து புத்திசாலித்தனமாக எழுதப்பட்ட திரைப்படம். கூட்டாளி - பணம் செலுத்தாதவர்களின் வண்டிகளை திருடும் நான்கு நண்பர்களைப் பற்றிய கதை. சுமாராக எடுக்கப்பட்ட சிறு பட்ஜெட் திரைப்படம். படத்தின் கடைசி 30 நிமிடங்கள் அருமை. நடிகையர் திலகம் - சாவித்திரி என்ற மகா நடிகையின் வாழ்க்கை வரலாற்றுத் திரைப்படம். சமந்தா காட்சி பகுதிகளை தாராளமாக குறைத்திருக்கலாம். சாவித்திரி அவர்களை எண்ணி பிரமிப்பும் வருத்தமும் ஏற்ப்படுத்தி படம். இரும்புத் திரை - Cyber crime மற்றும் தொழில்நுட்ப வழி தகவல் திருட்டுகளை எளிதாக விளங்கிய படம். மக்கள் எந்த அளவுக்கு விழிப்புடன் இருக்க வேண்டும் என்று பய...

NTR Kathanayagudu - Movie Review

NTR கதாநாயக்டு - ஒரு பார்வை குறிப்பு: இந்த திரைப்படம் தெலுங்கில் வெளியாகியிருக்கிறது. ஆங்கில துணைத் தலைப்புகளும் இல்லை. இருந்தாலும் இது ஒரு வாழ்க்கை வரலாற்றுத் திரைப்படம் என்பதாலும் திரைப்பட அனுபவத்திற்காகவும் பார்த்தேன். கதை: "நந்தமுரி தாரக ராமா ராவ்" எப்படி மக்கள் போற்றும் திரைக் கலைஞனாக உருவாகுகிறார் என்பதே "NTR கதாநாயக்டு". NTRஆக அவரது புதல்வரும் நடிகருமான பாலகிருஷ்ணா நடித்திருக்கிறார். தன்னுடைய ஆத்மார்த்தமான நடிப்பை தந்திருக்கிறார். வித்தியா பாலன் NTRரின் மனைவியாக அமைதியாக வந்து போகிறார். இவர்களைத் தவிர ஏகப்பட்ட நடிகர்கள் வந்து செல்கின்றனர். படத்தின் கலை வேலைகள் நன்றாக இருக்கிறது. குறிப்பாக பழைய காலத்தில் பயன் படுத்திய சினிமா படப்பிடிப்பு இடங்கள், படத்தொகுப்பு செய்யும் இயந்திரம், படச்சுருள் என நம்மை கால பயணம் செய்ய வைத்திருக்கிறார்கள். "பெரிய நடிகர் ஆன பின்னரும் தன் பழைய நண்பர்களை சந்தித்து பட வாய்ப்பு தருவது, மக்களின் துயரங்களை கண்டு வருந்துவது, ஒரு குடிசை வீட்டில் பூஜை அறையில் தன்னுடைய கிருஷ்ணர் வேசம் படத்தை கண்டு NTR நெகிழ்வது" போன்ற...

Renugambal Temple, Padavedu.

ரேணுகாம்பாள் கோயில், படவேடு. திருவண்ணாமலையில் இருந்து வேலூர் செல்லும் பேருந்தில் ஏறி "சந்தவாசல்" நிறுத்தத்தில் இறங்க வேண்டும். பயண நேரம் - ஒரு மணி நேரம். அங்கிருந்து பங்கு ஆட்டோ (share auto) மூலம் கோயிலை அடையலாம். பயண நேரம் - 15 நிமிடங்கள். படவேட்டில் ரேணுகாம்பாள் கோயிலை தவிர பல கோயில்கள் இருக்கிறது. Car அல்லது Bikeல் செல்பவர்கள் முக்கியமான அனைத்து கோயில்களையும் எளிதில் பார்த்து விடலாம். பேருந்தில் சென்றவர்கள் ரேணுகாம்பாள் கோயிலை பார்த்து விட்டு, கோயிலுக்கு அருகில் இருக்கும் ஆட்டோவை வாடகைக்கு எடுப்பது சிறந்த வழியாகும். அனைத்து கோயில்களையும் பார்க்க தோராயமாக இரண்டில் இருந்து மூன்று மணி நேரம் ஆகும். படவேட்டை சுற்றிப்பார்க்க சிறந்த நேரம்: காலை - 8 மணி முதல் 12 மணி வரை மாலை - 3 மணி முதல் 6.30 வரை விசாரித்த வகையில் நான் பார்க்கத் தவர விட்ட முக்கியமான இடங்கள்: 1) லட்சுமி நரசிம்மர் திருக்கோயில். 2) அம...

இண்டிபெண்டண்ட் சினிமா - புத்தக விமர்சனம்

பலரின் சினிமா பார்வையையும் தேடலையும் தங்களின் காணொளிகளின் மூலம் விரிவடைய காரணமாக இருந்து வரும் "Missed Movies" YouTube சேனலிடம் இருந்து வெளிவந்திருக்கும் புத்தகமே "இன்டிபெண்டண்ட் சினிமா". தயாரிப்பாளரை மட்டுமே சார்ந்து இருக்காமல் படைப்பாளியின் கையில் இருக்கும் பொருளாதாரம் மற்றும் நண்பர்கள், தெரிந்தவர்களின் பண உதவியுடன் எடுக்கப்படும் சினிமாவே இன்டிபெண்டண்ட் சினிமா (சுயாதீன திரைப்படம்). இயக்குனரிடம் தயாரிப்பாளர் கதையில் செய்யச் சொல்லும் ஜனரஞ்சக மற்றும் வணிக மாற்றங்களே இதற்கு காரணம். இந்த புத்தகம் சுயாதீன திரைப்படத்தின் தொடக்க காலம் முதல் இன்றைய நவீன காலம் வரை எப்படி இயங்கி வருகிறது என ஒரு தகவல் களஞ்சியமாக இருக்கிறது. உலக சினிமா ஏன் பார்க்க வேண்டும்? என்ற விளக்கத்துடன் ஆரம்பமாகிறது இந்த புத்தகம். பிறகு சுயாதீன திரைப்படம் தொடங்கிய காலம், அதை முன்னெடுத்த இயக்குனர்கள் என நாம் இதுவரை அறிந்திராத தகவல் மற்றும் சம்பவங்களுடன் நகர்கிறது. கிட்டத்தட்ட சினிமா உலகில் நமக்கு மறைக்கப்பட்ட வரலாற்றை பிரம்பிப்புடன் படிப்பது போன்றதொரு உணர்வு. இந்த புத்தகத்தின் எழுத்...

பறவை குறும்படத்தின் Storyboard

பறவை குறும்படம் https://youtu.be/skfi6l3QLFY

மொட்டை மாடி தீபாவளி!

இரண்டு வாரங்களுக்கு முன்னதாகவே தெருக்களில் "அகலு! அகலேய்....!" என வியாபாரிகளின் கூக்குரல், கார்த்திகை தீபத் திருவிழா நெருங்கி விட்டத்தை சொல்லும் அறிகுறிகளின் ஒன்று. பத்து நாட்கள் நடைபெறும் எங்கள் ஊர் கார்த்திகை தீபத் திருவிழாவின் ஏழாம் நாள் மரத்தேரும், பத்தாம் நாள் தீபத் திருவிழாவும் மிகவும் பிரபலம். ஐந்தாம் திருவிழாவில் இருந்து பள்ளி மற்றும் கல்லூரிகளுக்கு உள்ளூர் விடுமுறை அளிக்கப்பட்டு இருக்கும். முதல் திருவிழாவில் இருந்து கொஞ்சம் கொஞ்சமாக திருவிழா கலைக் கட்ட ஆரம்பிக்கும். மரத்தேரின் போது திருவிழா அதன் உச்ச நிலையை தொட்டு இருக்கும். உள்ளூரில் இருந்து வெளியூர்களுக்கு சென்றவர்கள் தங்கள் சொந்த வீட்டிற்கும் அல்லது சொந்தங்களின் வீட்டிற்கு வந்து சேர்ந்திருப்பார்கள். ஒன்பதாம் திருவிழாவன்று பல ஊர்களில் இருந்து திருவண்ணாமலைக்கு வருவதற்கான சிறப்பு பேருந்துகளை இயக்க ஆரம்பித்து இருப்பார்கள். விடுமுறை கிடைக்காத திருவண்ணாமலை வாசிகள் எப்படியாவது தீபத்தை மட்டுமாவது பார்த்து விடவேண்டும் என அடித்து பிடித்து ஊரை நோக்கி தங்களின் பயணத்தை தொடங்கி இருப்பார்கள். தொலைக்காட்சியில் எல்லா சேனலில்கள...

Vettavalam Village - A Photo Collection

Bazaar Street Vinoth Theatre Jameen Palace Singaara Kulam Manonmaniyamman Temple Aerial View - Vettavalam Anchineeyar Temple Agastheeswarar Temple Varatharaaja Perumal Temple Play Time - Goli Gundu St. Mary's Sacred Heart Chruch Black and White Hut Village WhatsApp Group Thallaakulam Market

Naveram - Short Story.

நவிரம் - சிறுகதை. சீரான இடைவெளியில் மண்ணில் பாதி புதைந்திருந்த ரப்பர் டயர்களின் மீது மழலைகள் தாவியாடிக் கொண்டிருந்தார்கள். தொங்கும் கயிறு பாலம், மரப்பாலம், லாரி டயரினால் செய்யப்பட்ட குகை என பல வித்தியாசமான விளையாட்டுகளும்; ஊஞ்சல், சறுக்கு மரம், இரும்புக் கூண்டு, சீ-சா போன்ற வழக்கமான விளையாட்டுகளும் இருந்தது. பல வண்ணங்களில் தீட்டப்பட்டு இருந்த அனைத்து விளையாட்டுகளிலும், குழந்தைகள் ஆக்கிரமிப்பு செய்து இருந்தார்கள். அவர்களை தங்களின் கண் பார்வையிலேயே இருக்கும்படி பெற்றோர்கள் அருகிலேயே நின்று கவனித்துக் கொண்டார்கள். மழைநீர் சேகரிப்பு, மக்கும்-மக்காத குப்பை, டெங்கு ஒழிப்பு, நடைப் பயிற்சியின் பயன்கள், மனிதன் நிலவில் கால் பதித்த காட்சி, சூரியக் குடும்பம், கிரகணங்கள், மயில் வடிவில் இருக்கும் மாவட்டத்தின் வரைபடம் என பலப் படங்கள் பூங்காவின் சுற்று சுவர் முழுவதும் ஓவியமாக வரையப்பட்டு இருந்தது. ஆங்காங்கே போடப்பட்டு இருந்த சிமெண்ட் பெஞ்ச் அனைத்திலும் ஆட்கள் நிரம்பி இருந்தார்கள். அவர்களில் பெரும்பாலானோர் பிள்ளைகளுடன் வந்தவர்களாகவும் சிலர் வேடிக்கை பார்த்து பொழுதை போக்க வந்தவர்களாக...

Story of the Photo 03: Samosa Men of Tiruvannamalai

சமோசா பாயும் பையாவும் தேரடி வீதியில் TVS XLலில் சென்றுக் கொண்டிருக்கும் பொழுது எனது வலது புறத்திற்கு எதிரே கொஞ்சம் தூரத்தில் இவர் வந்து கொண்டிருந்தார். சிறுவயதில் இருந்து பார்த்து. வருகிறேன் சட்டென ஒரு யோசனை, இவரை ஏன் ஒரு புகைப்படம் எடுக்கக் கூடாது எனத் தோன்றியது. உடனே வண்டியை இடது பக்கம் ஒரு ஓரமாக நிறுத்திவிட்டு, வண்டிக்கு பூட்டு போட்டதை உறுதிப்படுத்திக்கொண்டு சாலையை கடந்தேன். புகைப்படம் எடுப்பதை அவர் பார்த்து விட்டால் ஏதாவது நினைத்துக் கொள்வாரோ என்று தயங்கினேன். அதனால் பின் பக்கமாக இருந்து எடுக்கத் திட்டமிட்டேன். அவருக்குப் பின்னால் மூன்றடி இடைவெளி விட்டு பின்தொடர செய்ய ஆரம்பித்தேன். வேகமாக போனை அன்லாக் செய்து கேமராவை ஆன் செய்து பிரேமை வைத்தேன். அதே மூன்றடி இடைவெளியுடன் அவரின் வேகத்திற்கு இணையாக நடந்துகொண்டே ஒரு படம் எடுத்தேன். எடுக்கும்போதே தெரிந்தது, படம் சிறப்பாக அமையவில்லை. அடுத்த படத்திற்கு முயற்சி செய்து கொண்டிருந்த நொடி அவர் பூம்புகார் துணியகத்தை கடந்துக்கொண்டு இருந்தார். அந்நேரம் கடையில் இருந்து தாய்மார்கள் இருவர் வெளியே வந்துகொ...

Science Plus Movies

Search here